Thellohet kriza.Vllaznia nuk fiton dot as ndaj Beses ketu ne Shkoder.

Vazhdon momenti "jo" për Vllazninë. Ajo nuk ka arritur të fitojë as sot në ndeshjen e luajtur në "Loro Boriçi", rezultati përfundimtar i së cilës ka qenë 0-0. Një lojë jo në nivelin e duhur e kuqebluve, ka bërë që ata të mos fitojnë dot dhe në një situatë të tillë, me barazimin e marrë, ato kanë zbritur në vendin e nëntë në renditje në fundin e fazës së dytë të kampionatit. Ndeshja nuk ka patur shumë raste. Vetëm një në pjesën e parë, teksa Hajdari ka goditur shtyllën në minutën e 8-të të ndeshjes dhe po ashtu edhe ndonjë tentativë e dështuar e Bushiç për të shënuar, kanë qenë shumë pak për një skuadër që dëshiron të mos bjerë nga kategoria. Situata aktualisht në skuadrën tonë nuk është e mirë megjithatë sikur të mos mjaftonte barazimi i sotëm,në fund të takimit, gjatë futjes së futbollistëve në dhomat e zhveshjes, mesfushori kosovar i Besës Berisha ka fyer në gjuhën serbo- malazeze portierin e Vllaznisë Vujadinoviç. Pas kësaj, ka ndërhyrë Baci për të qetësuar situatën por edhe mbrojtësi kuqeblu ka marrë një goditje me grusht nga kosovari, veprim që ka sjellë pastaj në rrëmujë të vërtetë në korridor në mes futbollistëve të dy ekipeve. Një incident i panevojshëm por i provokuar mesa duket në mënyrë të qëllimshme nga futbollisti i Besës Berisha 

Deglarat per mediat futbollistat e beses provokuan.

Nisur nga disa deklarata të futbollistëve të Besës pas ndeshjes së luajtur sot në Shkodër, jemi të detyruar të sqarojmë disa gjëra: Së pari, incidenti i fundit të ndeshjes ka qenë krejtësisht i panevojshëm por gjithsesi i provokuar që gjatë ndeshjes nisur nga disa veprime të futbollistit të Besës Berisha që ka ngacmuar futbollistët tanë, kryesisht ato malazezë dhe serbë, duke u folur në gjuhën e tyre.Mund te duket e çuditshme por ne fakt ky futbollist eshte çdo here prezent ne çdo sherr qe krijohet ne ndeshjet kur luan Besa. Provokimi i tij natyrisht eshte i turpshem dhe kurrsesi nuk mund te merret per baze e prishjes se maredhenieve shume te mira qe kane ekzistuar ne vite ne mes dy klubeve. Berisha eshte nje futbollist qe me shume sesa ne fushe, behet protagonist me keto veprimet e tjera qe ben, ndoshta per te rene me teper ne sy.

Së dyti, incidenti ka vazhduar teksa futbollistët po hynin në dhomat e zhveshjes ku Berisha sërish ka provokuar rëndë portierin Vujadinoviç dhe më pas ka goditur Bacin duke bërë që situata të degradojë në përplasjen mes futbollistëve të tjerë. Konkluzioni i gjithë asaj çfarë ndodhi në fund të kësaj ndeshje është se kavajasit deshën të provokojnë shkodranët, për të luajtur me nervat e tyre në situatën ku ndodhen. Kavajasit në fakt harrojnë se sezonet e tjera, kemi qenë ne që jemi treguar krejt ndryshe kur Besa kalonte të njëjtën situatë si ne sot dhe nëse nuk e dinë këtë, të pyesin presidentin e tyre.Provokimi i kavajasve ishte shumë i rëndë. Të ndodhë kështu brenda në Shkodër, në një situatë të tillë që po kalon Vllaznia, është e turpshme. Për të mos përmendur pastaj trillimet e futbollistëve kavajas në media për goditje ndaj tyre kur në fakt gjërat kanë qenë krejt ndryshe.